María Esther Velásquez

Esther é defensora de dereitos ambientais e das mulleres. Nai de catro fillos, en 2023 cumpriu un dos seus grandes soños ao graduarse como bacharela, e ten como meta estudar Dereito.

Desde 2006 forma parte da Rede Municipal de Mulleres Contra a Violencia de Namasigüe (RMM), da que foi cofundadora. Ao longo dos anos, o seu compromiso social foi crecendo ata convertela nunha referente na defensa dos dereitos das mulleres e do territorio:

• É tesoureira da Xunta Directiva da RMM e membro do Comité de Crédito da Rede Rexional de Mulleres do Sur (RRMSUR), que apoia mulleres emprendedoras cun fondo rotatorio.
• Como Promotora Legal Comunitaria, acompaña a mulleres vítimas de violencia de xénero e fai veeduría social na aplicación da Lei Contra a Violencia Doméstica.
• É membro activa do COAMNA (Comité Ambiental de Namasigüe), onde lidera a creación de Comités de Defensa da Natureza nas comunidades.
• Participa na Plataforma P-CAIESUR-pesca, logrando que o seu municipio se declarase libre de minería e extractivismo.
• Fundou na súa comunidade un colexio de educación a distancia para que mozos e adultos con poucos recursos poidan estudar ata secundaria.
• Foi rexedora municipal, presidenta do padroado da súa comunidade e candidata á alcaldía, demostrando que as mulleres tamén teñen lugar neses espazos.

Esther di que agora moitas mulleres a respectan e lle piden axuda, e que os políticos a temen porque non se cala. É, sobre todo, unha muller decidida.