O proxecto

Mulleres bravas de Honduras e Galicia. Tendendo pontes entre defensoras da vida. é un proxecto realizado por Amigas da Terra Galicia e Enxeñería Sen Fronteiras Galicia coa financiación de Cooperación Galega (Xunta de Galicia) que busca, da man de mulleres activistas e defensoras da vida e da terra hondureñas e galegas, dar a coñecer os impactos sobre as persoas e o medio ambiente dos proxectos extractivistas en Honduras e Galicia e ofrecer alternativas sustentables para acadar outros camiños de produción e consumo.

O programa xira arredor das visitas de mulleres bravas hondureñas a Galicia. Nestas viaxes artéllanse encontros entre activistas dos dous lados do Atlántico e xéranse espazos de loita común nos que propoñer, aprender unhas doutras e arrincar un cambio de paradigma.

Para conseguir estes obxectivos, o proxecto artéllase ao redor de dúas liñas de acción:

1. Crear pontes entre organizacións e movementos da sociedade civil de Honduras e Galicia para a protección da vida e/ou que impulsan alternativas sustentables, con especial protagonismo das mulleres

2. Difundir o enfoque de cidadanía global das resistencias ao extractivismo e das alternativas sustentables de aseguramento da vida. Queremos que se compartan experiencias, pero tamén ser conscientes de que non é o mesmo a loita en países como Honduras que en Galicia.

Edicións

Novas